Lotura herriguneekin
Badakigu Arratiako bizilagunentzat batzuetan zaila izaten dela ohiko garraio publikoaren bidez funtsezko zerbitzuetara heltzea, eta, beraz, euren beharrizanetako batzuk betetzeko autoa hartu behar izaten dute.
Hori dela eta, Arratiako Mankomunitateak taxi zerbitzua ezarri du bailaran, hau da, garraio publikoaren edo auto partikularraren osagarria izango den garraiobidea, 65 urtetik gorakoei udaletxera, osasun-zentrora, farmaziara, bankura, kutxazain automatikora, saltokira eta abarretara modu ekonomikoan, jasangarrian eta seguruan joateko aukera emateko.
Zerbitzu hau Arratiako Mankomunitatea osatzen duten udalerrien artean dago erabilgarri, eta auzo bakoitzetik bertako herrigunerantz eta Lemoako eta Igorreko herrigunetarantz ibilbide partekatuak egiteko aukera ematen du, bai auzo periferikoetatik, bai beste hirigune batzuetatik (eta buelta).
Modu berean, zerbitzuan hiru jomuga berezi sartzen dira: bat Galdakaoko ospitalea, beste bat Galdakaoko anbulatorioa eta bestea Dima inguruan dagoen adinekoentzako Arratiako Egoitza.
Zerbitzuaren erabilgarritasuna
Ibilbideak
Arratiako Mankomunitatea osatzen duten 9 udalerrietarako, 3 konexio-mota egin ahal izango dira:
Bere hirigunearekin lotura:
- Leku pertsonalizatu batean gelditzeko eskatu ahal izango da, udalerri bereko herrigunean aldez aurretik zehaztutako geraleku batera joan ahal izateko, eta alderantziz.
Galdakaoko ospitalearekin, Galdakaoko anbulatorioarekin edo Arratiako Egoitzarekin lotura:
- Leku pertsonalizatu batean gelditzeko eskatu ahal izango da, Galdakaoko ospitaleko, Galdakaoko Anbulatorioko edo Arratiako Egoitzako aldez aurretik zehaztutako geralekura joan ahal izateko eta alderantziz.
Igorreko edo Lemoako herrigunearekiko lotura:
- Herrigune bateko leku pertsonalizatu batean gelditzeko eskatu ahal izango da, Igorreko edo Lemoako herriguneko aldez aurretik zehaztutako geralekura joan ahal izateko eta alderantziz.
Arteako udalerrirako, gainera, 4. konexio bat egin ahal izango da:
Areatzako herrigunearekiko lotura
- Kokapen pertsonalizatu batean geldialdia eskatu ahal izango da, Areatzako hiriguneko aldez aurreko geraleku batera lekualdatzeko, eta alderantziz.
Udalerrietako gune sakabanatuetako geralekuak App-ean, telefonoz, posta elektronikoz edo herritarren arretarako bideON bulegoan kontsultatu ahal izango dira.
Aurretik zehaztutako geralekuak, herrigune bakoitzean
