Zertan datza zerbitzua?
bideON ARRATIAN eskariaren araberako garraio-zerbitzua da, eta Arratialdeko 65 urtetik gorakoen, unibertsitateko, LHko Goi Mailako edo HHIko ikasleen, desgaitasuna duten pertsonen eta mendekotasuna egoeran dauden pertsonen herriguneetarako joan-etorriak errazten ditu.
Zerbitzuak erraztasunak emango dizkie Arratiako Mankomunitatea osatzen duten udalerrietako batean bizi diren eta lehen aipatutako ezaugarriak betetzen duten pertsonei, oinarrizko zerbitzuetara eta hezkuntza-zentroetara joateko, azkar, merke eta seguru, eta auto propioa hartu behar barik. Horrek ingurumen-eragina murrizten ere lagunduko du.
Norberaren ibilgailua ordeztuko duen eta ohiko garraio publikoaren osagarri izango den zerbitzu horrek aurrez finkatutako geralekuak (abiapuntu eta helmuga finkoekin) ditu, baina baita abiapuntu pertsonalizatuko eskariaren araberako garraio-zerbitzua ere.
Zerbitzuak
Gertuko lotura herriguneekin
65 urtetik gorakoak, desgaitasuna duten pertsonak eta mendekotasuna egoeran daudenak: bideON ARRATIAN zerbitzuak Arratiako udalerrietako herriguneetara hurbiltzen ditu, funtsezko zerbitzuetara joateko, adibidez bankura, medikuarengana, farmaziara, supermerkatura, udaletxera, etab., baita Galdakao-Usansoloko ospitalera, Galdakaoko anbulatoriora eta Arratiako Egoitzara ere.
Lotura unibertsitateekin, LHko zentroekin eta HHI zentroekin
Unibertsitateko, LHko Goi Mailako eta HHIko ikasleak: bideON ARRATIAN zerbitzuak Lemoara eta Zornotzara hurbiltzen ditu, garraio publikoko linea nagusien geltokietara joateko (Euskotren eta Bizkaibus).
Eskariaren araberako
garraio-zerbitzuaren abantailak
Deskargatu bideON aplikazioa
bideON ARRATIAN eskariaren araberako garraio-zerbitzuak ‘bideON’ aplikazioa du. Besteak beste, zerbitzuan alta ematea, ibilbideak eskatzea, diru-zorroa kargatzea eta bidaiak bertan behera uztea errazten du.
‘bideON’ aplikazioa Play Store-tik edo App Store-tik (Android eta iOS) deskarga dezakezu doan:
